t Is mooi west! De allerleste verhoalen over Appie en Geeske Stainhoes.
Veur joe ligt Kovvie mit kouke, over de wereld van Appie en Geeske Stainhoes. Baaident Winschoters van geboorte en doar speulen zok ook veul van heur verhoalen of. Mor der is nog n biezunderhaid aan dit bouk. Dit is t leste bouk over t echtpoar. n Poar joar leden haar ik docht dat der n ende aan kommen zol, mor Appie en Geeske hebben mie overhoald om toch nog n zetje deur te goan mit t schrieven over heur belevenizzen. Ik heb dat mit laifde doan.
Mor n poar moand leden waren ze bie ons op verziede en toun vertelden ze mie dat t genog west was. Ze willen heur leste joaren in stilte deurmoaken, soamen mit kinder en klaainkinder. Privé dus. En doar kon ik hailendal in mitkommen. Ze hebben geliek.
Kovvie mit kouke is t zesde dail over heur belevenizzen en der is weer hail veul gebeurd t leste joar. Geeske het zulfs kennismoakt mit keunegin Maxima en baaident vertellen ook over heur vakanties van de leste joaren en doar hebben ze ook veul biezundere zoaken beleefd. Ik dank, ook in t bouk, t echtpoar veur heur openharteghaid en vrundschap. Alles woar gebeurd!
